Женевада БУУнун Адам укуктары кеңешинде Кыргызстандын экинчи улуттук баяндамасы талкууланды. Баяндаманы вице-премьер-министр Абдырахман Маматалиев жасады.
Өзбек президенти Ислам Каримов өлкө башчылык үчүн 5-мөөнөткө ат салышат. Анын талапкерлигин Либералдык Демократиялык партиясынын жана Ишкерлер кыймылынын биргелешкен жыйынында көрсөтүштү.
Тажикстанда билим берүү мекемелерине президент Эмомали Рахмондун “Тажиктер тарыхтын таризинде” аттуу китебин окуу сунушталды. Мындай буйрукту өлкөнүн Билим берүү министрлиги чыгарды.
Борбор Азиядагы ооган коркунучу тууралуу Тажикстандын борбору Дүйшөмбүдөгү Ооганстан жана аймакты изилдөө борборунун эксперти Рахматтуло Абдуллоев “Азаттыкка” маек курду.
Тажик бийлиги түрк лицейлери менен келишимди узартпай турганын билдирип, “Шолала” мекемеси акысыз билим берүүгө өтсүн деген шарт койду.
Тажикстандын Жогорку Соту салафизм диний агымынын ишмердигин экстремисттик деп тапты. Өлкөдө бул агым кыянатчыл максатты көздөйт деп, интернет сайты да жабылды.
Жекшембиде Парижде миллиондон ашык адам акыркы күндөрдөгү теракттын курмандыктарын эскерген Биримдик жүрүшүнө чыкты. Ага дүйнөнүн 40га жакын өлкө лидерлери да катышты.
Орус президенти Владимир Путин чет элдик жарандар орус армиясында кызмат өтөшүнө уруксат берген жарлыкка кол койду.
9-январда Казакстандын борбору Астанада Украина, Орусия, Франция жана Германиянын тышкы иштер министрлери Украинанын чыгышындагы абалды талкуулайт. Бирок президенттердин Астанада өтүүчү жыйыны өтөөрү азырынча күмөн.
Узаган жылда Кыргызстан сөз эркиндиги, коррупциянын деңгээли жагынан эл аралык беделин жакшыртты. Бирок саясий туруктуулук, бизнес жүргүзүү маселесинде көп өлкөлөрдөн артта калды.
АКШдагы Тынчтык фонду дүйнө жүзүндөгү туруктуулук боюнча жылдык баяндамасын жарыялады. Анда Кыргызстан 58-орунду ээлеп, туруктуулугу кооптуу делген өлкөлөрдүн катарында турат.
Кумтөр кени боюнча “Центерра Голд” компаниясы менен Москвадагы сүйлөшүү жыйынтыксыз аяктады.
Кыргызстанда саясий партиялардын чет өлкөдөн каржыланышын тыюуну күчөткөн мыйзам долбоор парламентке жөнөтүлдү.
Жогорку Кеңеш комитети жазында киши колдуу болгон Камила Дүйшөбаеванын өлүмү боюнча жүрүп жаткан тергөөнү өз көзөмөлүнө алды.
Ош прокуратурасынын мурдагы кызматкери Канжар Кадыралиев Ошто ээн-эркин эле жүргөнүн, милиция аны издебей жатканын жабыркаган тарап айтып чыкты.
Эл аралык Transparency International уюму дүйнөдөгү коррупциянын деңгээли боюнча баяндамасын жарыялады. Ага ылайык, Кыргызстан 175 өлкөнүн ичинен 136-орунду ээледи.
Жусуп Баласагын атындагы Кыргыз улуттук университетинин ректорун бекитүү создугуп жатат. Буга 18-октябрда өткөн ректорду шайлоо жараяны мыйзамсыз өттү деп, айрым талапкерлердин сотко кайрылганы себеп болгон.
Кыргызстандын Улуттук илимдер академиясы илимий борборду реформалоо боюнча өз концепциясын сунуштады.
Бишкектеги “Манас” аэропортун эл аралык хабга же транспорттук түйүнгө айландыруу долбооруна чет өлкөлүк сегиз компания кызыгууда. Алардын арасында буга чейин коомчулукта талкуу жараткан орусиялык компаниялар да бар.
Бишкектеги Борбор Азиядагы Америка университетинин имараты башка жакка көчүрүлгөнү жатат. Өкмөт бошогон имаратка Жогорку Сотту жайгаштырууну пландоодо.
Дагы жүктөңүз
