Орусияда жана башка өлкөлөрдө иштеген мигранттар менен коомдук уюмдардын өкүлдөрү бүгүн Бишкекте «Мигрант үнү» деген тынчтык акциясын өткөрүштү. Алар миграция маселесин чечүүнүн жолдорун бийликке сунуш кылышты. Иш-чаранын катышуучулары миграциялык улуттук концепция түзүлбөсө, өлкөнүн келечеги бүдөмүк деген ойлорун ортого салышты. Акцияны «Замандаш» партиясы уюштурду.